| تبليغات | X |
|
مصطفی شیخ پور - شعر لر
|
||
|
ایشیق سوی شعر ائوینه خوش گلیبسینیز |
نه گوُلله منه قئیار نه سن!!
آلیشمیشیق بیر بیریمیزه بیلمه دن
نه زامان یئتر گوروشمه یه،
نه ده آمان وئریرسن جانیم!!!
ته له سیک سئویشرکن
وورولدو آغ قانادلی گویرچین لر
اونلار دا یاتماق ایسته ییرلر بو تورپاق دا
اونلار دا وورولموشلار بیلیرم
صاباحلار ارکن اویان گوُلوُم،
چای حاضیر دیر گوروشوموزه
آند ایچه جه ییک بیز گون اورتا نامازلارینا
اینان قضا اولمایاجاق بو دونه عشقیمیز
بیز
دائیم گولومسه یه جه ییک گویرچین لره
بیز
داییم اوله جه ییک
بیر بیریمیز دن اوتری
باریش دان اوتری
من دن سوروشما
نئچینجی آی دیر زامان!!؟؟
من دن سوروشما
نئچینجی ساهات دیر گؤن!!؟؟
آغزیمی آچسام بؤتؤن تقویم لر اوتاناجاق دیر
**
اؤنؤمده دورور
باخیر منه دیم دیک،
گؤزلریندن اوتانیرام
سئوینین دوسلار
بوآخشام بیر شعر یارادیلاجاق
**
من دن سوروشما
گؤی اؤن نئچینجی قاتیندا دیر جننت؟
یئر اؤزونده تاپیلاجاق می -بو باغ؟؟
آخ سئوگیلیم، ساچلاریندان ایراق
آغزیمی آچسام...
قورویاجاق دیر اینان
بوداغ -بوداغ
**
گؤنلومده بیر کودتا اولمالی ایدیر!!!!
نه یاخشی کی اولدو
بؤتؤن تؤفنگ لر اورتایا چیخیب
هاوا توتقون
قان آخیرسا آخسین
بویانسین آل قانا بو تمیز بدن
بیر دیکتاتور قلبیمی فتح ایله مه یه چالیشیر
**
گؤزلریمه باخیر...
ایچیمده یانیر -یانیر
الوولانیر
ائله بو آن یاشاییرام اینان
گؤلؤمسه ییر هر آن
اونؤمؤزده کی خیاوان
وئران- وئران
ال لریمی ساچلارینا توخو
ائله هوُر کی
قورتولاجاغیم اولماسین الیندن!!!
سلام وئریرسن
آعاجلار آیاغینا قالخیر
گوُلوُرسن دوُنیا گوُل آچیر
آغاجلار باخیر
**
بوُتون قالدیریملار حاضیرلانیر گلیشینه
یئری یئری
دوُنیانی یئریندن اویناداجاق آددیملارین
**
سن حیاسیز شهرین قوجاغیندا
من یاساق دوُشوُنجه پئشینده
ایکیمیزده سوچلو یوق
بیر گوُن آساجاقلار بیزلری
**
اللریمه باخ،گوُزلرینه یئریمک ده دیر هر آن
آغلاما دئمیرم ...
گوُز یاشلارینی سیلمه یه هله گوجوم وار...
**
بیرلیکده قاچالیم یاساق خیاوانلاری
قیرمیزی چیراغلارا باخمادان
بیلمیرم هانکی بوجاقدا دیزلرینی قوجاقلاییب بیری
**
متروـ اتوبوس ـتاکسی
هانسی نی سئویرسن سئچ
ساچلارینا توخونا بیلمه یه جک بیری
یئل وورور ...
قاچماغا حاضیرلان
یاساق خیاوانلاردا قورتولاجاق تهران
**
خاطیرلاماسان دا منی
گوُزلریمه باخ...!!!
ساری گوُللر ساری گوُل له لر
هر ایکیسی باغریمی قان ائدر
سن بایراغیمی!!!!
***
۲
گوُنش ساچلارینا وورور
آی دوداقلارینا
بو گوُن صاباح باتی دان دوغاجاق گوُنش...
***
۳
چیلپاق دولانیرام داها
یاغیش یوسون
گوُن قورودسون
"رامیز" یئنی دن دوغولسون!!!
لؤطفن منی پیچاق لایین!!!!!
های دؤشسؤن شهره
بیر شاعیر اؤلدؤ!!
درین گوندؤزلر ایشیلداییر ایچیمده
و قورخولو گئجه لر
سن هانکی شعریمین یاریلمیش باغریسان؟
کی بیردن
قان آغلاییر میصراعلار سنی دؤشؤندؤیؤم چاغلار!!!
بیردن
سیلینیر اؤرک لردن ایزین
بیردن
بیری گؤدؤر بیزی...
قورخورام
هر شئی بیر دن بیره اولور نازلیم...
قرافیست: مهیار علیزاده. آیخان
بو ادبی یاریشلا باغلی داها آرتیق بیلگی الده ائتمک اوچون، آشاغیداکی آدرسی تیکلهیین لوطفن:
هیروشیما اولماسامدا
ناکازاکی کیمی پارتلادیم بیر آن...!
بیر sms بومبا کیمی یاییلماقدادیر
خبر:"زهر کیمی خبر..."
***
گولدین
دونیا سسلندی
سسین گور گور اسیردی...
آغلادین
گونش دولدو،
آراز آخیردی تورپاغیمیزدا...
اؤلدین
شهر سوسدو،
تبریز داریخیردی دوستوم...
بیز...
قورخا قورخا آغلاییردیق
سسیم گوُزلرینه بنزه ییر بو گونلر
نه آغلاغان
نه گولن...!
وورولوبدور گوُزلرینین ماهنیسینا...
آغزیندان دنیز قوخوسو گلیر!!!!!!
اوچونجو دونیا ساواشی گولومسه ییر دوداق لاریندا
من هارا؟!
خزر هاراااااا؟؟!!!
یاشیل گوزلر
یاشام آدرسینی وئریر
حایات درگی سینده یاییلان یارپاقلاری آختاریرام
سون باهار آخشام لاری
بیر جوما گونونده یئتیشن مکتوبا
اینانمارام من !!!!
سنه، هر شئی دن اونجه
بیر چیچک بورجوم اولسون
آما اونوتما کی
بیر باهار دوغمالیسان منه
بیر یاغیش
و بیر...
اوز اوزه
جمیله
ایلک اؤیرهتمن
داغلار و استپلردن مثللر
الوداع، گولساری
بیاض گمی
سهلوی بویلوم آل یازمالیم
فوجی-یاما
گون اولور عصره بدل
دار آغاجی – دیشی قوردون رؤیالاری
توپراق آنا
چنگیز خانا کوسهن بولود
جوجوقلوغوم
قیرمیزی آلما
دیلین بیر شئی سویله دی
گوزلرین باشقا
گوزلریندن باشلادی یالانجی تاریخ
اینقیلاب لار یاراتدی ،سوی قیریم لار اعدام لار
دییشدی حوکومت منیم ایچیمده!!!!!
گوزلرین سورغوسوز کسدی سوووردو
دئمدیم ،دیممدیم دانیشامادیم
آزادلیق ایسته دیم قو جاق لاریندا
هئی... هئی... یاشیل گوزلو مملکت...
سونوندا د ییشیلدیک سونوندا بیزده
د ییشدیک هر شئیی هر ایکیمزده
یولو موز آیریلدی یولوموز بیزیم
من دویوشجو اولدوم
سن ده تئروریست!!!!!!!
نه گوزل سئودا
سورگون شهرده آغلایاراق عاشیق اولماق
پنجره دن باخان مملکت ین گوزلرینه!!!!!!
بیرلیکده هایخیراق
و
تنهالاریمیزدا اغلایاق گوءل له نن اوءزگورلوگیمیزه
بیر لیکده یاشایاق
و
تنهالاریمیزدا
و تنها لاریمیزدا
مکتوب گوءنده رک دوستاق دا گوءورن چیچک لره
نه ایسه ...
ان گوزل یاشام بیرلیکده
و
ان گوزل شعر تنهالاردا یارادیلار
منی سئو، منی سئومه
بو ایکی آنلام ایچینده ایتمیشم هله...
یا سئو ، یا سئومه
نه فرق ائلر کی...
ایندی سه ، نه سئو نه سئو مه
سادجه دوءشوءن، دوءشوءن،
دوءشوءن،
نه گوزل ، نه دادلی
شکرلی ای وورور دویغولاریما
و جهنم ملاکه ترین دن بیری
شعریمی
تون به تون سالماقدادیر
|
